10. मराठ्यांच्या सत्तेचा विस्तार // इयत्ता सातवी पाठ १०वा // Swadhyay STD7 history chap.10 q&a

३. लिहिते व्हा.

(१) कान्होजी आंग्रे :-

कान्होजी आंग्रे हे मराठ्यांच्या आरमाराचे प्रमुख होते . कान्होजी आंग्रे यांनी महाराणी ताराबाईची बाजू घेतली व  शाहू महाराजांच्या मुलखावर हल्ले केले . त्यामुळे त्यांच्यासमोर कठीण परिस्थिती निर्माण झाली . या परिस्थितीमध्ये त्यांनी बाळाजीला कान्होजी आंग्रेविरुद्ध पाठवले . बाळाजीने युद्ध टाळून मुत्सद्देगिरीने कान्होजीस शाहू महाराजांकडे वळवले .

(२) पालखेडची लढाई :-

बादशाहने मराठ्यांना दक्षिणेच्या मुघल सुभ्यातून चौथाई – सरदेशमुखी वसूल करण्याचे अधिकार दिले होते. याला निजामाचा विरोध होता . त्याने पुणे परगण्याचा काही भाग जिंकून घेतला . बाजीरावाने निजामाला शह देण्याचे ठरवले . त्याने निजामाचा औरंगाबादजवळ पालखेड येथे पराभव केला .तेंव्हा त्याने मराठ्यांचा चौथाई सरदेशमुखी वसूल करण्याचा हक्क मान्य केला .

(३) बाळाजी विश्वनाथ :-

१) शाहू महाराजांची मुघलांच्या कैदेतून मुक्तता झाल्यावर त्यांनी बालाजी विश्वनाथ भट याला पेशवा केले

२) बाळाजी मुळचा कोकणातील श्रीवर्धन गावचा .तो कर्तृत्ववान व अनुभवी  होता .

३) शाहू महाराज हेच मराठ्यांच्या राज्याचे खरे वारस आहेत , हे पटवून देऊन अनेक सरदारांना त्याने शाहूमहाराजाकडे वळवले.